陪月血淚屎 仲有下文!阿B「丁丁」差點重創!
2018年04月23日13:41

上周一篇名為「懶惰媽媽」嘅文章喺網上瘋傳,成為媽媽界嘅熱話!好多媽媽都話好擔心BB ,話口未完,阿B終於出事喇!作者陪月姐姐日前更新個人專頁,就將一幕「入院風雲」披露出來!「懶惰媽媽」同阿B喺一日之內接連進出急症室!到底發生咗咩事呢?

文尾又有彩蛋!陪月姐姐俾貼士新手媽媽,照顧好阿B嘅「妹妹」同「弟弟」!

原文:「陪月辛酸。血。淚。屎」專頁 (文章得作者授權轉載)圖片:東方新地、myTV截圖

延伸閱讀:

六歲男童玩褲頭帶 竟勒斷手指

【2018復活節活動】 食盡港九新界 精選五大復活節大餐

懶惰媽媽3 原文如下:

第3日。我去到,如常先放低餸菜,換衫去睇下媽媽先。

我今日再醒啲,除左帶多左幾件衫同口罩,我連褲同袜都帶埋。

諗住臨走時金蟬脫殼,不帶走1片污糟既雲彩。

敲門入房,我見懶惰媽媽仍然攤在床玩電話。

我:早晨吖,今日感覺如何?

懶惰媽媽:今日個胸無咁谷,不過,個傷口好痕,我隔住塊膠布不停搲。

我聽到後,自己同自己講:呢獲X街喇!

我口都震埋:你。。。你有無撕開過塊。。。膠布吖。。。

懶惰媽媽:有吖! 我仲換左新膠布。

我心諗:你屋企有咁大塊膠布?

我:我。。。我幫你睇下。。。先

懶惰媽媽解開啲衫鈕,佢每解1粒,我個心就大力地跳1下,冷汗都出埋。

我1望啲膠布,我忍笑忍得好辛苦。佢用普通細細塊個啲藥水膠布,連成一線咁,貼住開刀那個又長又粗既傷口。

我:你貼到咁,我怕你傷口感染吖,不如起床抹身,食左午飯,去睇睇醫生。

懶惰媽媽:我5想去中環到咁遠吖,你幫我打去樓下商場是旦Book 1間婦科睇下就算。

我:5可以! 你5想去咁遠,近近地去仁啷睇急症。

我請工人姐姐馬上幫助懶惰媽媽起床抹身,我去煲湯煮午飯。

午飯後,我問:懶惰媽媽,你記得帶ID。

懶惰媽媽:你幫我袋住吖,你攞我手袋過嚟比我。

她指1指放在鞋柜上的背囊。

於是我攞比佢,發現個袋千斤咁重。

她拉開條拉鏈,反轉個袋,將袋裡面既立立雜雜,全部倒晒落地。然後係個堆雜物中,摷左個膠袋仔出嚟遞比我,再將個堆—垃圾, 塞返晒入個背囊入面。

我:懶惰媽媽,你去換套衫出嚟,我同工人姐姐陪你去。婆婆,麻煩你幫忙睇住BB 1陣。

出左門口,上埋的士。

懶惰媽媽:我無帶姨媽巾吖。

我:我有!

她:我無帶紙巾。

我:我有!

她:我無帶錢吖!

我口個句:我有! 我比住先!

心個句:我乜亂都有!

到達仁啷醫院急症登記,幸運地5係好多人輪候。

去到見醫生,醫生聽到已嚇到面青。然後,當然要撕開啲膠布先可以檢查。

懶惰媽媽嗌晒救命,我聽到都覺得痛。

懶惰媽媽4 原文如下:

繼上集。

醫生出動埋尖咀鉗,要好小心,遂小遂小咁撕開啲膠布,怕整到開刀傷口。

懶惰媽媽不停大叫,流晒眼淚,不停踢腳,醫生叫我或工人姐姐幫手撳實。

其實我想撳住佢個口多啲,叫到隔離屋苑都聽到。

最後,醫生話表面傷口理應就埋左。(產後第8日)

不過被懶惰媽媽搲傷晒,有啲地方仲流血,消毒左傷口,怕有細菌感染,開左消炎藥。如果傷口仍然紅腫或流膿有異味,就要立即再睇急症。

醫生好醒目,幫懶惰媽媽貼左1塊A4 Size咁長既防水膠布。

我和工人姐姐左右2邊幫手扶懶惰媽媽起身,當佢籮柚離開張白雪雪既檢查床時,我已經見到灰灰黑黑1個大印,中間有血漬。

護士姑娘見到後,第1時間話5緊要,會處理。5知點解個刻我覺得好羞,又有啲想嘔。

行出醫生房,我要懶惰媽媽去廁所搞搞,換塊姨媽巾,抹左啲血漬。

誰不知,懶惰媽媽話:我頭先係的士咪話左你聽,我無帶姨媽巾。

我:我知,我都話左我有帶。

懶惰媽媽:5係吖,你叫我抹身換衫。我見都已經無乜惡露流出,咪無用姨媽巾囉。

我已筋疲力盡,快快手陪懶惰媽媽去廁所,攞埋藥,係醫院士多買左塊即棄坐墊,坐的士返屋企。

買坐墊原因,我實在頂5緊佢坐的士到醫院,或等候其間,應該已留底咗血漬,5想下1架的士既乘客遭殃。

回到家,我煲熱薑水,叫工人姐姐幫忙,請懶惰媽媽沖涼。

佢個樣5係好高興,就話嘞:等陣先,我想瞓陣,好痛好攰。

大家5需要估,佢的確係連人帶血褲瞓左上床。

我真係無眼睇,換件衫洗手幫阿B沖涼。

由入門口開始,阿B都係咁不停大喊,睇過又5係肚餓或肚痛,點樣抱點樣藹,都大喊,同平日喊聲有啲5同。我諗諗可能扭沖涼,於是快快手開水執毛巾紗巾綿花沖涼液。打開片1睇,無屎屎,好乾淨。

但係!

飛機頭又紅又腫?今朝都5係咁架喎!

當然問婆婆喇!

婆婆話:你地出左門口無耐,阿B瀨左大包屎,有啲黐咗係飛機頭附近,我用濕紙巾翻左啲啲包皮出嚟抹。

我心諗:呢鑊又仆X喇!

細心睇到包皮有啲地方係出左水泡,應該係婆婆夾硬翻出嚟時整傷左。

我:婆婆,5可以咁樣翻架。依家阿B應該好痛,所以不停喊。

婆婆:男孩子我無湊過。咁點算?洗5洗睇醫生?你話湊B要乾淨啲,照足你咁講,我次次幫阿B換片,都用濕紙巾抹晒成條啫啫架。(講到條啫啫,好似成尺咁長)

我已經進入半死狀態,再1次解釋比婆婆聽。 Bum Bum聲幫阿B沖涼,再厚搽花屎令係傷口上面,有保護傷口作用。

呢次,我請工人姐姐睇實懶惰媽媽,我捉埋婆婆1齊去帶阿B睇醫生,等醫生解釋。

臨行前,打比爸爸說明原因,問:睇樓下商場醫生?還是去急症?

爸爸:坐的士去仁啷醫院喇,5洗等咁耐!

我:我知道,剛剛才在仁啷醫院回來!

入到醫生房,我同醫生都忍5到笑!

因為!

就係剛剛睇完懶惰媽媽既同1位醫生。

醫生問:點解你分2次嚟?1次過帶埋阿B嚟睇都得架~

我:真係好難解釋你聽,搵次有機會得閑有吉時坐低再慢慢講你聽。

(醫生,如果你依家睇到,我諗你會笑到噴飯~)

醫生聽左婆婆講發生咩事後,我見到佢係搣住大脾忍笑架。

醫生解釋左比婆婆聽原因同需要,開左消炎藥膏比阿B,吩咐婆婆,5可以再翻開啲包皮。

呢1日,我攰到飯都食5落。。。

小小分享:

初生B女:陰道附近大約小陰唇位置,會有啲白色1撻撻,類似半乾既油狀物體。千萬5好大力捽甩抹走,係用作保護外來既細菌。大大下自然會無,5洗擔心。

每次換片,由前向後抹。

屎尿都1樣。

初生B仔:千萬5好夾硬翻開包皮出嚟,如有屎屎黐住,用暖水沖洗。袋袋後面最容易收埋到啲屎屎,要注意。

下一頁:陪月恐怖血淚屎 「隔住雙重口罩都想嘔!」

下一頁:婆媳關係係惡性循環?惡奶奶是這樣鍊成的

延伸閱讀:

運動節食也瘦不了都是因為它!迅速見效 學會平衡身體2種必瘦荷爾蒙

關注我們Facebook專頁
    相關新聞
      更多瀏覽