空姐教路|避免Jet lag、帶漏保濕 機艙護膚4大急救妙法
2018年03月13日11:51

有空姐話遇過不下一次,飛長途機有乘客塊面乾到裂但又冇帶護膚品,走嚟問有冇急救辦法,又或者乘客眼光光瞓唔着,唔想一副倦容殘樣咁落機即刻去玩。今次搵嚟現職國泰的空姐Xela,分享機艙上 肌膚急救 大法 !

撰文:Xela | 圖片:新傳媒資料室

去旅行當然要用盡每1分鐘,搭凌晨機到埗立刻出發去玩先符合經濟原則!不過要知道,影相自拍打卡亦是重要環節,落機後睡眼惺忪、油光滿面又點見人呢?空姐不嬲最叻把握停留外站時間觀光shopping食好西,即使long haul機程做足16個鐘,上載Ig嘅相依然神采飛揚,究竟有咩機艙護膚秘訣?

01|想瞓個靚覺 香薰油放鬆心情

搭凌晨機,好多人都因為太開心精神亢奮,或者瞓唔慣「生暴櫈」,最後眼光光望天光,落機自然殘到爆,唔夠精神落機即刻去玩!

空姐 保濕
空姐 保濕

空姐Xela教路,好多crew都必備1支香薰油傍身,長途機休息時間用來輕輕按摩太陽穴,放鬆心情快速入睡。

空姐 保濕
空姐 保濕

值得留意的是,含粉紅葡萄柚及杜松籽的香薰精油反而有提神效果,千祈咪買錯!

空姐 保濕
空姐 保濕

02 | 保濕緊要 但都唔及防曬重要

搭夜機去歐洲不少人鍾意素顏上機,方便機程途中可以敷mask保濕或清爽安眠。即使安坐機艙室內,高空環境紫外線仍然超強勁,容易加速皮膚老化使皺紋現形!

空姐 保濕
空姐 保濕

所以上機前,空姐都一定會做足防曬準備,搭夜機都要!

記得起飛前30分鐘就要搽防曬乳,咁先有效果。建議選擇SPF 50及PA+++的防曬乳,而且質地要夠潤,咁先可以在對抗紫外線的同時,保持肌膚水潤有光澤!

空姐 保濕
空姐 保濕

03 | 煲劇會眼倦 迷你按摩器去浮腫

好精神瞓唔着點算?好多乘客會善用機上時間睇戲煲劇,但長期注視螢幕會令眼睛疲倦及乾燥,眼睛缺水變得又乾又腫,影相就唔靚!

空姐 保濕
空姐 保濕

空姐建議隨身帶備迷你按摩器,落機前1個鐘塗上眼部精華液,再輕輕按摩打圈15分鐘,blink blink眼立即返嚟。

空姐 保濕
空姐 保濕

不過Xela話平時on duty忙到落機最後1秒,冇時間搞對眼,自己旅行時必定唔理其他空姐目光,仲會推介其他空姐下次放假試下!

空姐 保濕
空姐 保濕

04 | 弊傢伙帶漏嘢! inflight sale有急救品

Xela遇過不下1次長途機乘客塊面乾到裂但又冇帶護膚品,走嚟問有冇急救辦法,其實空姐出勤時用化妝品補妝較多,spare保濕產品未必有。

空姐 保濕
空姐 保濕

呢個時候Xela會好軟性咁話俾客知inflight sale有幾支products可以急救番,例如國泰有Jurlique玫瑰衡膚花卉水可以保濕(仲要比香港零售價平)。

空姐 保濕
空姐 保濕

另有套AROMATHERAPY ASSOCIATES機艙護理套裝係空姐們的心水,Xela話當然唔可以hard sell,會叫佢睇機上雜誌揀番啱嘅產品。

空姐 保濕
空姐 保濕
空姐 保濕
空姐 保濕

關注我們Facebook專頁
    相關新聞
      更多瀏覽