【為咗2600蚊】被鬧呃like博上位 陸永太太:無端端受人氣屈住可能會死
2018年03月09日07:00

陸永老婆Reina日前話舊年11月架新車俾人刮花咗,雖然對方願意簽和解紙同賠償2600蚊,但過咗四個月對方都未俾錢,亦話因為整傷腳,連和解紙都簽唔到,Reina就留言話,因為件事未解決,所以收到警方通知要求落口供。

亦因為Reina喺網上講完呢件事,就被對方鬧佢博上位:「真係咁需要呃like嗎? 我冇你咁鍾意生事,錢我會照比你,但你唔做明星唔該唔好借我地d小市民上報。謝謝」

呢番說話搞到Reina好嬲,喺ig貼咗2張whatsapp截圖話:「我緊張賠償的話,我唔會咁耐都未報價畀你!我絕對唔係為追$2600出post咁肉酸,我都驚畀人笑!請千萬唔好過數畀我呀!我唔要啦!無條件銷咗案喇!以後泊車小心... #唔要二千六唔會死 #無端端受人氣屈住可能會死 #我都只係一個鍾意上網嘅小市民」

Reina其實有強調自己冇提及過對方身份,只係轉述警方嘅說話,陸永就當然撐老婆:「幫佢delete再唔收佢錢,其實佢仲想點?點解仲要send啲咁嘅嘢嚟?」

不過網民就唔係咁睇,有人覺得Reina玩公審,亦有人力撐Reina,話咁耐都未過數,邊人個會信對方係想解決件事,仲叫Reina唔好因為激將法而放棄追討!

關注我們Facebook專頁
    相關新聞
      更多瀏覽