Shine紅館開騷半裸耍棍
2018年03月04日03:00
許志安大病初瘉即擔任Shine演唱會嘉賓,認真唔話得。

【星島日報報道】Shine相隔5年再踏紅館,前晚首場演唱會邀得許志安和楊千嬅擔任表演嘉賓,而兩位成員徐天佑和黃又南更是感性和性感兼備,除感觸得落下男兒淚,又半裸化身筋肉人比併高難度動作,搞到人妻千嬅都好奇關心小又南的安全。

Shine前晚為一連兩場演唱會揭幕,亦是天佑和又南首度在紅館舉行四面台,又南高興指很喜歡被喜歡的人包圍和歡呼,沒料天佑更不理會太太是否在台下欣賞,斗膽瞓在台上攬女(舞蹈員)唱情歌!而又南選唱《陀飛輪》時更特別感觸道:「我好想多謝一位好朋友William(萬希泉創辦人沈慧林),幾年前他讓我有機會設計了一隻講述父子情的陀飛輪手表,湊巧當時陳奕迅的新歌《陀飛輪》派台,我對歌詞好有感覺……;因為父親患上腦退化,甚至會認唔到我和母親,有次父親不見了,我搵了幾晚通宵,搵到的一刻好開心,亦明白到有些事不用太執着,最重要是珍惜家人在我身邊的時間!」

2子為了今次的演唱會艱苦操肌,當然要展示成果,天佑扮李小龍脫去上衣大耍雙節棍;又南亦赤裸上身大玩雙槓及鋼管舞!比併過身形和體能後,又玩有味笑話互窒,天佑取笑又南說:「你跳鋼管舞係驚老咗跳唔到?咁男人條腰真係好緊要!」又南還擊道:「你Fing(雙節棍)就係怕將來Fing唔起?」逗得全場大笑。

當晚是安仔患上乙型流感病瘉後首度公開亮相,還有心的特別選唱自己的《爛泥》一曲,稱這首2001年的作品正是Shine推出首支派台歌的年份。另一位表演嘉賓千嬅則於安歌期間登場,並笑謂:「今晚真的大開眼界,又南好似舞蹈員咁跳鋼管舞,但男仔跳會唔會唔方便或者『隙』住?點就(遷就)呀?好難喎!」另,臨近尾聲天佑和又南獻唱《十八相送》時,雙雙感觸流淚,顯露了深情一面。

關注我們Facebook專頁
    相關新聞
      更多瀏覽