澳門美獅美高梅開幕!$288海鮮自助餐+15大矚目酒店話題全公開
2018年02月14日20:33

沉靜咗一輪,澳門終於又有新酒店開幕!拉斯維加斯大阿哥之一的美高梅位於氹仔的美獅美高梅(MGM COTAI)剛於2月13日開幕,整間酒店耗資34億美元,選在農曆新年前開業,一開幕就差不多book爆,到底有乜咁巴閉?一齊睇睇,新年過大海行大運吧!

text:孖田|photo:Day

延伸閱讀:

借錢騙案 | 外遊港人屢次中招 | 行跡遍佈多個機場

韓國文化衝擊|拆解韓國與香港 11 個文化差異、有趣冷知識

澳門新MGM 美獅美高梅 15大話題位

澳門第2間MGM位處路氹一帶,與新濠天地、永利皇宮為鄰居。酒店稱為美獅美高梅,賣點有開揚的室內天幕廣場、動感劇院、超過300件藝術品、名廚餐廳等,聽落就夠晒吸引,記者嘗試上官網訂房,要到3月中先有吉房,不過酒店本身都好多賣點,即睇有乜打卡位,過年可以來一沾金運!

美獅美高梅_MGM_COTAI_1
美獅美高梅_MGM_COTAI_1
新MGM門外一頭金獅,用32,000張24K金箔鋪成,非常搶眼。

01|搶眼!豪氣真金獅

美高梅又點少得招牌獅子,今次呢隻獅子足有11米高,38噸重,最好意頭是用32,000張24K金箔鋪成,是全球獨家;金光閃閃過美國同澳門半島嗰隻,尤其晚上打燈後,金光燦爛過小鳯姐!想睇美獅,就要來到劇院旁的美獅大堂,一出就近距離見到萬獸之王,沾沾旺氣!

美獅美高梅_MGM_COTAI_2-13
美獅美高梅_MGM_COTAI_2-13
唔使P圖都可以出到勁金效果。

如果想影獅子全相,就要去到對面的Grand Hyatt影過去;不過就見唔到成幢33層樓高的美高梅酒店。

美獅美高梅_MGM_COTAI_2-10
美獅美高梅_MGM_COTAI_2-10
唔使P圖都可以出到勁金效果。

02|高科技!開揚天幕廣場

酒店大玩高科技,由美獅美高梅大堂入來酒店,一眼就望到開揚的視博廣場,網狀天網夠晒光猛。廣場有標榜為全球最大嘅室內永久LED熒幕,由25個小LED熒幕組成,上面播的片有中國名山大川、節慶活動、瀕危動物、宇宙星空等。

美獅美高梅_MGM_COTAI_2-46
美獅美高梅_MGM_COTAI_2-46
中庭天幕下是名店和餐廳,感覺耳目一新。
美獅美高梅_MGM_COTAI_2-80
美獅美高梅_MGM_COTAI_2-80
中庭的感覺有點像中環置地,名店和食肆包圍著。

記者採訪時,LED熒幕日頭播放張家界、雲南潑水節,晚上則有動物影片,配合音效,整個廣場光猛有活力,跟澳門半島MGM的天幕水族館感覺更新穎。記者睇過幾次,片段拍得有動感唔老土,據知片段有成7個鐘長,仲會隨季節天氣變化,好有心思。

美獅美高梅_MGM_COTAI
美獅美高梅_MGM_COTAI
整個廣場光猛有活力,跟澳門半島MGM的天幕水族館感覺更新穎

到了晚上,視博廣場會有燈光效果,整體氣氛更浪漫,份外適合情侶,比起澳門半島MGM更浪漫(如果唔多遊客的時候)。

美獅美高梅_MGM_COTAI
美獅美高梅_MGM_COTAI
晚上的天幕廣場感覺與日間截然不同。
美獅美高梅_MGM_COTAI
美獅美高梅_MGM_COTAI
LED熒幕的影像震撼,影片亦配合熒幕配置,視覺效果一流。

03|室內最大花園 絕種植物都有!

唔好以為廣場內嘅植物園係假嘢,「自然之藝」種咗超過10萬棵、逾2千種植物,當中包括超過2百種好意頭的蘭花,唔少仲係澳門同香港嘅原生品種,好有意思。呢度仲種咗多種19-20 世紀時已絕種嘅植物,係專程由香港同歐洲種子庫搵來。

美獅美高梅_MGM_COTAI
美獅美高梅_MGM_COTAI
廣場有室內植物牆,感覺比室外仲舒服開朗。

04|價值連城藝術品

MGM向來都主打富藝術氣息,美獅美高梅都一樣。300幾件的藝術品中,有40幾件係何超瓊女士同主席馬仁傑親自挑選的「主席典藏」,包括清朝名貴古董,同當代澳門藝術家作品。

美獅美高梅_MGM_COTAI
美獅美高梅_MGM_COTAI
主大堂以金色吊飾為天花做點綴,接待員後呢幅搶眼度十足,
美獅美高梅_MGM_COTAI
美獅美高梅_MGM_COTAI
Reception後面是中國當代藝術家蕭芹作品,以抽象油畫結合毛筆字手法創作。

轉到另一個大堂,以高雅淡綠色做主調,排了27幅清朝御製的地氊,上面繡有九條龍象徵九五之尊,仲有一幅就在雍華府別墅。

美獅美高梅_MGM_COTAI
美獅美高梅_MGM_COTAI
當中最矜貴就有28張清朝御製的地氊,曾用作裝飾北京紫禁城。
美獅美高梅_MGM_COTAI
美獅美高梅_MGM_COTAI
可以超近距離看到清朝御製地氊的手工。

每幅地氊旁都有QR code,用電話掃瞄就可睇到導賞,記者試過facebook、wechat 都得,旁邊仲有職員樂意講解導賞。

一掃瞄QR code,用電話就可睇到導賞介紹。

另一焦點係用咗9萬粒Swarovski串成的水晶燈,造價都過50萬美金!Bling Bling 到暈!

美獅美高梅_MGM_COTAI
美獅美高梅_MGM_COTAI
大堂樓底極高,配襯巨型水晶吊燈。
美獅美高梅_MGM_COTAI
美獅美高梅_MGM_COTAI
大堂上方的Swarovski水晶燈造價超過百萬港元。

05|金色飄逸藝術時裝店

國內名時裝設計師郭培,曾為Rihanna設計一條金色拖尾長裙備受注目,也設計過Angelababy+黃曉明大婚中式禮服,今次酒店內開店,位於視博廣場中央,像一件玲瓏浮凸的金色雕塑,也像揚起的金色布匹,不過店舖尚未開,但走廊上已有展出她的作品。

郭培的店尚未開,但外形像揚起的金色布匹。
Angelababy+黃曉明結婚的中式禮服,也是郭培的出品。
Rihanna在MET Gala的這襲裙也是郭培得意之作。

06|好意頭!三色珠寶盒

外型貫徹澳門美高梅的3色長方塊設計,喻意「升級版的珠寶盒」,3種顏色代表金、玫瑰金和銀色,夠晒好意頭。要找位置看到整排珠寶盒,暫時只有住客才可以走到泳池旁觀賞。

美獅美高梅_MGM_COTAI
美獅美高梅_MGM_COTAI
美獅美高梅珠寶盒全貌

07|入房睇!酒店房勝在夠大

酒店房間數量都好多,合共1,390間客房,當中有4款房,入門級嘅度假客房都有463-550平方呎。開幕住宿優惠價HK$1,398(未連稅),再送$500酒店消費額,適用於餐飲、水療、劇院及來往香港的船票優惠,變相一千有找可入住,都真係好抵玩。另外仲有兩款的套房,由1,500-6,000呎的獨立別墅,跟足拉斯維加斯標準,就要遲啲先啟用。

美獅美高梅_MGM_COTAI
美獅美高梅_MGM_COTAI
標準的套房由936至1,011平方呎,分為客廳、睡房和浴室,真係廁所都大過香港個蝸居呀!
美獅美高梅_MGM_COTAI
美獅美高梅_MGM_COTAI
套房的浴室有雙洗手盤,仲有蒸氣浴、發熱毛巾架、浴缸亦備有電視,對比香港屋企個企缸仔,呢個浴室真係會令人流連忘返。
美獅美高梅_MGM_COTAI
美獅美高梅_MGM_COTAI
標準房面積都有463呎。
美獅美高梅_MGM_COTAI_
美獅美高梅_MGM_COTAI_
另有雙床房種。

所有房間都走高科技路線,以touch screen 控制燈光、冷氣外,仲配備似足智能電話的綜合遙控,可以直接遙控電視、開關燈、套房的窗簾開閂等。顏色就用上酒店招牌的玫瑰金,感覺高雅舒服。

美獅美高梅_MGM_COTAI
美獅美高梅_MGM_COTAI
床頭的綜合遙控Panel亦可接駁iPhone播音樂,又設計成首飾箱般方便女士放小物。
美獅美高梅_MGM_COTAI
美獅美高梅_MGM_COTAI
房間拖鞋兩隻色,絲絨料軟綿綿,唔係薄身紙拖鞋。
美獅美高梅_MGM_COTAI
美獅美高梅_MGM_COTAI
睡袍就有點平實,質料都麻麻舒服。
美獅美高梅_MGM_COTAI
美獅美高梅_MGM_COTAI
浴室全部都有浴缸,其中入門級度假套房就以澳門近年最常見的玻璃幕分隔;按touch screen可落返簾,唔會見到剪影尷尬。
美獅美高梅_MGM_COTAI
美獅美高梅_MGM_COTAI
只有套房的浴缸可以邊浸浴邊睇電視。
美獅美高梅_MGM_COTAI
美獅美高梅_MGM_COTAI
廁所的衛浴用品都是美高梅Spa自家品牌,主打有機產品,佛手柑味夠清香;最抵讚係夠大枝,唔使就住用。

揀房貼士:尾數84-76 對正永利噴泉

房間全設落地玻璃,分為城市景、海景房及噴泉景,城市景就最輸蝕望地盤,噴泉景則可以望見永利皇宮的噴泉和吊車,據記者首晚入住經驗,房號尾數84-76 好啲,其中76 號再近正面一啲,景觀正,住到高層的話,可以高角度睇噴泉唔使同迫,房內都聽到輕微噴泉聲同音樂聲。

美獅美高梅_MGM_COTAI
美獅美高梅_MGM_COTAI
如果可以要求高層望永利皇宮的房,就可以看到音樂噴泉。

08|4大名廚坐鎮 話題多多

酒店總共有9間餐廳,其中有4位名廚,有2位仲係首次在亞洲開店。最注目就有津村光晴開設的澳門首家日式秘魯菜,與及新加坡甜品女王Janice Wong 的甜品店。提提大家,如果以開幕價入住,仲有住客優惠,最平加$150已有兩人下午餐,連米芝蓮星級午餐3道菜都是$500兩位。

日式秘魯菜「雅吉」是間半開放式的餐廳。

日式秘魯菜「雅吉」Aji 的大廚津村光晴,其位於秘魯的餐廳Maido 剛於2017年被選為「拉丁美洲最佳餐廳」及「全球最佳餐廳」第8位。

美獅美高梅_MGM_COTAI
美獅美高梅_MGM_COTAI
日式秘魯菜「雅吉」Aji 的大廚津村光晴

餐廳由世界各地運來新鮮海鮮,魚類多採用野生貨;像秘魯菜最招牌的魚生Cheviche,就每次來都可能用上不同時令鮮貨,充滿驚喜。

美獅美高梅_MGM_COTAI
美獅美高梅_MGM_COTAI
雪櫃有當日新鮮到貨的魚。
美獅美高梅_MGM_COTAI
美獅美高梅_MGM_COTAI
海鮮是日式秘魯菜的常見菜式。

09|超親民Janice Wong甜品店

另一注目餐廳,有來自新加坡的甜點女廚Janice Wong MGM。她曾多次被選為「亞洲最佳甜品師」,總店除新加坡外,只曾在外地開pop up。今次是首次在新加坡以外開設長期店,有全球最高之一的朱古力噴泉。

美獅美高梅_MGM_COTAI
美獅美高梅_MGM_COTAI
新加坡甜品女王Janice Wong 在香港只有甜品吧,沒有boutuque,原來留在澳門才開!
美獅美高梅_MGM_COTAI
美獅美高梅_MGM_COTAI
呢座朱古力噴泉有7.3米高,3色朱古力係咁流,又靚又引到人流口水,見到啲小朋友真係唔捨得走!
美獅美高梅_MGM_COTAI
美獅美高梅_MGM_COTAI
7.3米高的朱古力噴泉源源不絕流出朱古力漿。

店內有朱古力、餅乾等禮盒外,仲有雪糕、pancake 等甜品。甜品櫃有馬卡龍、閃電泡芙、瑪德琳蛋糕等,價錢由$18起,都算好親民。雪糕口味獨特,像香茅香米、斑蘭椰糖開心果、茉梨花綠茶、充滿南洋風味,一球$38勁吸引!

美獅美高梅_MGM_COTAI
美獅美高梅_MGM_COTAI
酒店一開門,Janice Wong 間店已迫爆人,雪糕受歡迎外,都有餅乾、茶葉等手信,好味又得體。
美獅美高梅_MGM_COTAI
美獅美高梅_MGM_COTAI
最有趣是似足顏料的朱古力,不同顏色代表不同口味,像熱情果、士多啤梨、薄荷等。客人還可買埋畫筆,翻屋企學Janice Wong畫朱古力創作。

10|抵食!$288海鮮自助餐

有睇開英文台就會認得《Master Chef》嘅評判Graham Elliot,佢首次在亞洲插旗,餐廳「濤岸」走加洲風味,除咗是住客食早餐的餐廳,午餐都有任食薄餅及意粉套餐,頭盤甜品、咖啡或茶外,仲有8款Pizza意粉任食,每人$188勁抵。

美獅美高梅_MGM_COTAI
美獅美高梅_MGM_COTAI
「濤岸」餐廳首日開幕已有不少客人幫襯。

而晚市更有自助海鮮吧,$288位可任食龍蝦、即開生蠔、長腳蟹、翡翠螺、青口,其他熱食就要另點。不過生蠔大隻新鮮,食半打蠔再食龍蝦都輕易回本有凸!

美獅美高梅_MGM_COTAI
美獅美高梅_MGM_COTAI
自助海鮮吧選擇豐富,若只吃海鮮只要$288/位,抵食。

不得不提有米芝蓮二星名廚、2017最佳餐廳第四位的Mauro Colagreco,主理扒房盛焰,入面特設喜馬拉亞山鹽的風乾房,所有牛扒都會至少熟成20日。除扒房外,另外仲14個座位的鐵板燒吧檯。

美獅美高梅_MGM_COTAI
美獅美高梅_MGM_COTAI
扒房盛焰特設喜馬拉亞山鹽的風乾房,所有牛扒都會至少熟成20日。

11|超高清螢幕 動感劇院

開幕日暫時未有表演睇住,不過入到呢個可容納2千人的美高梅劇院,都幾期待睇騷㗎!因為劇院內的900平方米4K超高清熒幕,足足3個網球場大,又係全球最大,只係睇下簡單投影都覺得幾震憾;劇院仲可變身舞池或電競比賽場地。

美獅美高梅_MGM_COTAI
美獅美高梅_MGM_COTAI
900平方米4K超高清熒幕全球最大。

酒店方面公布暫時會有3個駐場表演,其中《炫》就以交響樂、舞蹈等,在10分鐘內帶觀眾穿棱古今。另一套《追夢》就以電視遊戲節目和電子遊戲做靈感,創造出像真度極高的互動戲劇。

美獅美高梅_MGM_COTAI
美獅美高梅_MGM_COTAI
劇院可變身舞池或電競比賽場地。

12|珠寶盒外 露天泳池

泳池位就唔算大,水深由0.3-1.2米,頂盡係嬉吓水,唔好旨意認真游。位置剛好被新濠大堆酒店包圍,都有椰林樹影同好多躺椅曬太陽,另外仲有4個按摩池,勝在望到美高梅個珠寶盒設計。

美獅美高梅_MGM_COTAI
美獅美高梅_MGM_COTAI
泳池唔大,水深較淺只適合嬉水,亦不及舊MGM的無敵海景。
美獅美高梅_MGM_COTAI
美獅美高梅_MGM_COTAI
不過就有大量曬大陽位搭救。
美獅美高梅_MGM_COTAI
美獅美高梅_MGM_COTAI
仲有多個按摩池位置。

13|住客免費上堂 闊落健身室

超大片落地玻璃, 挑高的天花,令到健身室的採光好,外面風景都有綠草地。酒店住客可免費參加多款的健身班,外國正流行的Surf set,呢度是澳門獨家有得玩。如果常來澳門,都可以Join 健身會籍。

美獅美高梅_MGM_COTAI
美獅美高梅_MGM_COTAI
健身室的闊落程度令人驚訝!
美獅美高梅_MGM_COTAI
美獅美高梅_MGM_COTAI
澳門居民可以申請會藉,平日都來享用呀!

14|中式泰式水療

水療中心就當然唔少得,treatment 由泰式草藥、中式推拿都有,價錢由$780起,抵唔抵做就睇閣下荷包喇。另外都有Hair Salon 和美甲,價錢同香港中級髮廊差唔多,剪頭髮$380起,又唔係太天價喎!

美獅美高梅_MGM_COTAI
美獅美高梅_MGM_COTAI
水療中心TRIA是自家品牌,走木材色系調子。

15|發財巴接駁澳門市中心

酒店總共有5條免費接駁巴士,分別由關閘、澳門港澳碼頭、氹仔客運碼頭和機場接駁酒店外,還有連接市中心英皇酒店的路線,以及路氹專線,可到澳門銀河、澳門百老匯、新濠影匯、新濠天地、澳門威尼斯人、永利皇宮及金沙城中心。去碼頭口岸的巴士到晚上12點,另外兩條就到晚上10點半左右。

美獅美高梅MGM COTAI

網址:www.mgm.mo/zh-hant/cotai(按此查看房價)

下一頁:情侶遊澳門|慶生、周年紀念必睇!2日1夜食玩行程懶人包(附生日優惠)

0
0

延伸閱讀:

日本shopping買爆喼點算好?港媽教路船運寄返港攻略

關注我們Facebook專頁
    相關新聞
      更多瀏覽