年廿八洗邋遢 廚廁天然清潔劑 必備四寶
2018年02月08日18:50

年廿八洗邋遢,屋企經歷寒暑後,塵土油霉愈積愈深,一年一次的清潔大行動中,相信十居其九都用強力清潔劑,但其味道濃烈既帶腐蝕性,始終有危險!今次筆者就為大家介紹幾款極低成本的慳家洗邋遢法寶,把家中食材搖身一變成為天然清潔劑!

原文:Sunday Kiss

延伸閱讀:

爆房都要AA制!爆房錢應該AA還是男人找數?

搭飛機你鍾意坐乜位? 揀飛機位隱藏著你的真實個性!

天然清潔劑

1. 油漬殺手梳打粉

價錢大約:$8/支

梳打粉平時頂多自製麵包先用,原來清潔時都好好用!其實坊間一直流傳梳打粉有去油漬的功效,也有人會用五金舖買到的工業用梳打粉(粉粒較粗)來洗地,而其實食用梳打粉都一樣可以去油。在千年油漬上灑上適量梳打粉,然後在梳打粉上倒上適量白醋,此時就會出現輕微的白泡,等十至廿分鐘後,用百潔布輕易一抹就甩!此方法最啱用在抽油煙機拆件及煎Pan等油漬重災區身上!另外,梳打粉同時亦有除味及除霉菌的功效,絕對不單指整包咁簡單!

2. 檸檬擦擦去水漬

價錢:$5/個

廚房及浴廁等長年用水位置,水漬斑斑,灰白處處可見,單係用水及「牛力」在捽根本冇用。呢個時候只需要切兩塊檸檬,在水漬位置來回擦幾下,再用清水濕布抹乾後,水喉或鏡面就好似新買的一樣「立立令」!

只需要用檸檬汁在水喉或鏡等水漬為患的地方捽,灰白的水漬不消一會即消散。
左圖為前;右圖為後,效果明顯,經檸檬汁洗禮的水喉反光程度猶如新的一樣!

3.無痕去印墨魚骨

價錢:$5/塊(約手掌大少)

墨魚骨?墨魚都有骨?對,其實墨魚有一塊手掌大小的骨,本來作中醫藥用,另一最廣為人知的用途就是磨粉餵雀仔。此外,佢仲係一個去印不留痕的神奇天然擦!筆者用它來擦乳膠漆牆身上的黑色痕跡,輕手一擦即甩;擦雪櫃的貼紙餘膠漬,來回擦兩擦就冇晒。兩者均不留痕,表面只留下骨鈣的粉末,絕對好過沙膠或報紙!但留意,對附霉菌漬及水鏽等頑固污漬就無用武之地。

雪白無暇的牆身上有深色污穢,墨魚骨一出如擦膠,黑色即甩,只餘下少許白色粉末。
雪櫃上的貼紙痕跡,難以清理,此時用墨魚骨輕輕擦兩擦就冇晒。

4.白醋去味兼去霉

價錢:$10/支

白醋除了上文所述加梳打粉同用外,其本身亦具有去漬功能,如牆磚之間的黑色霉菌及水漬等都可以去除,只要在漬上鋪上紙後,再倒上白醋「醃」大概十至廿分鐘,再用牙刷擦就可以去漬!另外,白醋亦是去除異味的高手,廚房內「百味紛陳」的微波爐就最啱,倒入白醋叮一叮後,異味全消!

把幾滴白醋加入水中,然後放入微波爐內,叮幾分鐘後便臭味全消。
白醋可用作清除磚與磚之間的霉菌,用沾有白醋的紙醃十分鐘左右,再用舊牙刷刷便可去掉。
如果想順手清潔埋爐內的醬汁漬,可把醋或水直接倒入爐內叮,幾分鐘後打開爐用毛巾一擦即可。

呢啲先係女神!盤點12位最索華姐冠軍

澳洲再度蜜月 謙謙陪楊怡玩水上滑梯

延伸閱讀:

《旅行青蛙》設計師:遊戲的設計初衷是因為思念丈夫

關注我們Facebook專頁
    相關新聞
      更多瀏覽