【玩命行山】山友為影相呃 Like 單手擒崖邊惹批
2018年01月16日12:49

近年來行山成為不少港人假日外出的活動,不過,很多行山人士往往都會高估自己的能力,並在欠缺安全裝備的情況下做出各項高難度動作,前日網上流傳多張相片,有行山客於飛鵝山自殺崖上凌空半蹲在陡崖,情況驚險。

網民「 Fai Fong 」前日 ( 14 日 ) 在 Facebook 群組「香港行山遠足之友 ( 吹水山谷 ) 」分享數張照片,從相片可見,當時有一名身穿紅衣的行山友,在沒有任何安全措施和裝備下,爬出幾乎完全垂直的陡崖,並由另一名身穿綠色上衣的山友拉著他的手,這位綠衣山友當時為借力要凌空雙腿,狀甚費勁吃力。期間紅衣山友更做出「高難度動作」,攤開左手,擺定姿勢拍照,非常驚險。

發帖者留言批評:「為咗張相,真的有必要嗎,今日飛鵝山所見,人各有志,本想不提,但實在忍不住,看到已經倒抽一口冷氣,真系 ( 係 ) 一失足成世唔使恨!」事後不少網民都炮轟兩人的行為除了不顧自身安全外,萬一發生意外更要出動救援人員拯救,影響他人。「自殺崖」是一塊巨大陡峭的岩壁,位於飛鵝山西南方山脊頂,屬該山最險要之處,去年 11 月曾有一名行山女子命喪於此。

網民留言:

「咁危險緊係 P 圖上去咪得囉!」

「跌咗落去唔好 Call 消防」

「紅衫都好相信佢 partner ,唔驚變成撻生魚」

「跌死佢就好笑啦」

「真的死有重於泰山,不過唔係輕於鴻毛。而是累人累物!」

「出左事唔好喊苦喊忽怨天尤人扮可憐,我真係理鬼得佢」

關注我們Facebook專頁
    相關新聞
      更多瀏覽