懷孕7個月 老公包辦所有家務 李漫芬:好多謝佢!
2018年01月03日21:13

今年二月,43歲TVB主持人李漫芬(Fanny)同圈外男友談成坤(Alvin)結婚,九月再宣佈造人成功,將會喺出年三月做爸爸媽咪啦!日前李漫芬出席《溏心風暴3》宣傳活動,佢接受本刊訪問時表示,老公幾乎包辦家中所有家務及粗重嘢,而佢因為打算順產,所以不時上網睇分娩嘅短片,仲話「驚,但必需要經歷!」真係好勇敢!

撰文:東方新地

圖片:新傳媒圖片庫、李漫芬Instagram

李漫芬 感激老公照顧

李漫芬接受本刊訪問時話:「老公基本包辦家中所有家務,除咗洗碗,因為有家長話大肚婆最好唔好舉高手攞重嘢,咁老公都將物件放番落嚟!係好窩心!我都好感恩,好多謝佢作出嘅轉變!」Fanny話打算順產,所以上網睇分娩嘅短片「打底」,不過老公Alvin叫佢唔好睇,因為痛到聲嘶力竭,但Fanny直言:「我自己都驚,但我覺得必需要經歷,希望到時好順利啦!」

李漫芬
李漫芬
李漫芬粗身大勢,同場藝人都好細心,扶佢上台落台!

活動上,不少圈中好友都同準媽媽合照!

婚後火速造人

Fanny嘅老公Alvin係游泳教練!今年二月佢哋結婚時,Fanny話冇造人大計,一切順其自然,估唔到半年就宣布有BB,真係好幸福呀!當日Fanny仲話有老公嘅愛錫,冇以前咁大壓力,有個錫自己的人在家等佢,吃白粥都ok。因為「最辛苦時試過一個人住在90尺的劏房。」

囡囡名 二選一

上月Fanny在活動中宣佈陀B女,仲話老公已為B女改好名叫做「談凱嵐」,而Fanny亦諗咗叫囡囡做「談在心」,所以會喺兩個名之中揀一個。至於點解叫做「談在心」?原來喺Fanny覺得同人講嘢要用心,而且會好窩心。Fanny仲話佢哋開始睇育嬰書,做定功課,相信遲啲BB出咗世,佢哋都會湊得好好!

老公做晒家務

Fanny腹大便便,梗係唔可以做粗重嘢啦!咁佢老公Alvin都好貼心,幫太太做晒所有家務咁滯⋯除咗洗碗!日前Fanny喺佢IG上載老公拖地嘅短片,原來前一晚好友們去佢哋屋企開P,咁老公翌日就做善後工作!

相關文章:

不要求女兒搵有錢男友 李國麟:最緊要錫佢同人品好!

吳香倫甜讚陳榮峻細心 最快下年中教堂行禮

同Stephy賀歲片碰頭? 方力申孖王菀之扮鬼放笑彈

關注我們Facebook專頁
    相關新聞
      更多瀏覽