【金牌經理人】陳自強海葬禮 邵音音:好哥哥,遨遊
2017年12月08日07:00

「金牌經理人」陳自強今年10月25日喺睡夢中離世,終年77 歲,喪禮於上月23日舉行。嚟到星期四,一班親友為佢進行海葬儀式,邵音音亦都有出席。

邵音音喺社交網站上載多張海葬嘅相同片,又以唐詩《送人》送別陳自強:「一軸煙花滿口香,諸侯相見肯相忘。未聞珪璧為人棄,莫倦江山去路長。盈耳暮蟬催別騎,數杯浮蟻咽離腸。眼前多少難甘事,自古男兒當自強。」

相入面見到,祭品都係陳自強生前喜愛嘅鮮花,親友又將骨灰撒入大海,邵音音話:「一顆大海的心。隨波逐流。遨遊!愛你!永遠!好哥哥。」

關注我們Facebook專頁
    相關新聞
      更多瀏覽