【翻版泳兒】唱歌冇樣反而多人留意「小背心」真身係...
2017年11月11日07:00

網絡歌手小背心呢日搞咗個《小背心- REAL TIME Music Live》音樂會,雖然一直以嚟佢都冇出樣,但其實唔少人都估佢就係英皇歌手許靖韻!

而喺今次音樂會中,小背心終於除底面具,正式以真身示人,許靖韻接受傳媒訪問時話,自己唔出樣唱歌,反而受歡迎過真身:「有一次唱歌睇唔到個樣,發現冇樣多咗好多人留意,所以開個新channel叫小背心,因為嗰晚着咗小背心。」

一直以嚟大家都叫許靖韻做「翻版泳兒」,對佢冇乜認識,所以佢就話呢日好感動,事關估唔到音樂會上,觀眾願意企足兩粒鐘聽佢唱歌。不過,最可惜嘅係,媽媽因為有事入咗醫院去唔到。

關注我們Facebook專頁
    相關新聞
      更多瀏覽