戀上「姐姐系」女生的8個超級好處
2017年11月10日12:15

有種女生就好似姐姐咁,可能係年紀畀你大少少, 或者同年但經歷多,所以待人接物都成熟啲。 喺市場上,或者扮下可愛,思想幼稚啲更易令男生「出手」追求。 但其實「姐姐系」女生,都算係一個超完美嘅另一半。 1. 給你完善私人空間,少過問、不入侵
識得看開,自然唔需要對方畀晒時間自己, 明白雙方有私人空間,關係更長久。 同「姐姐系」女生拍拖,就好似瞓喺太空綿之中咁舒服。 2. 全部都係填form高手 生活上,啲Form多到傻。由於身為「姐姐」,事事親力親為, 佢哋咩form都識填,仲要填得叻。應該點寫、邊度唔使寫,問佢哋一律清楚。 3. 唔會橫蠻無理,只會體貼入微
基本上,佢哋好體諒別人。 男人要交際應酬,佢哋只會關心,唔會發無謂牌氣。 知道男人可以有異性朋友,唔需要秒秒報告,輕輕交帶就好。 4. 旅行定拍拖 都計劃周詳
如果你係懶惰男生,姐姐女生最啱你。 出街食飯,一般女仔會嬲你唔諗定食咩,順便嬲埋你! 但「姐姐系」女生唔會!你有plan佢會follow,你冇plan佢幫你諗埋, 仲知道晒邊張信用卡邊度有折,book埋位。 你要做嘅,只係坐低食,同佢傾下心事。 5. 唔太物質、唔使貴、唔使日日見,最就你 貴嘢?唔使啦。 貴餐廳?唔使啦。 日日見?你忙嘅一星期唔見都得。 佢哋喺社會見識多,唔會同戀人太計劃。 呢種女生,只想談一場簡單戀愛。 6. 唔會令你難堪,寧願自己難受
或者經常照顧別人。 即使有時覺得唔開心,都會收埋。 唔影響另一半,等自己平復先再同你講。 第一時間大吵大鬧容易…… 但要自己先行消化,就係佢哋對伴侶嘅溫柔 7.你工作上嘅背後軍師 由於佢哋閱歷深,見識強, 對人生路上嘅種種,都可以客觀分析。 佢係你情人,一樣係你軍師, 同你一齊,決戰整個社會,助你成功。 8. 內裡超聰明,但識得合時地唔聰明一次
「姐姐系」女生最叻嘅係,佢哋醒,但知道唔可以成日都太醒。 有時,會畀下台階人。 會合時地傻下蠢下,氹你開心,畀你威下,維護你尊嚴,成為你專屬嘅小鳥依人。 一試過,真係返唔到轉頭!

Related Articles

關注我們Facebook專頁
    相關新聞
      更多瀏覽