【Kay你好嘢】愛車被刮花胎軨 張繼聰:今次到女歌手
2017年10月23日07:00

早幾日張繼聰先分享咗佢「Happy Friday」嘅經歷,講佢揸車離開停車場時,唔小心撞到個輪拱甩咗一半,仲塞住咗成個停車場。

不過呢個世界有樣嘢都「禍不單行」,星期日張繼聰話:「人生有好多嘢都有原因嘅,前幾日我咪揩花咗架車嘅。頭先有位女歌手同我講唔好意思。」

張繼聰就同「女歌手」講:「唔緊要啦!少少啫。佢話唔係呀,係後面。」鏡頭再影住成條胎軨,有八成都花咗。

似乎張繼聰真係幾心痛,見佢額頭仲留咗成大滴汗:「我同我老婆講唔緊要啦,軨係愛嚟揩花㗎嘛,最緊要人冇事咪得囉!」

張繼聰仲留言:「如果依單嘢又再次引起你嘅共鳴,請留個咁嘅言啦!『Kay,你好嘢』冇事嘅話,我想去瞓先。」

Kay就轉發老公的貼文,留言:「明明有人話唔緊要啦,少少啫!點解宜家好似咁多人睇到嘅呢……我下次揸車出街,係咪會好多人向我大嗌:『Kay~你好嘢』。」

關注我們Facebook專頁
    相關新聞
      更多瀏覽