【經濟亮紅燈】林作急賣豪宅套現:一定同媽媽度過難關
2017年10月23日07:00

林作唔做大律師,轉攻教育界同演藝界,不過多數都係自由身接job,日前佢就自爆簽咗俾范振鋒,正式入行做藝人!

話晒林作都叫「富二代」,應該冇乜經濟壓力,唔少人都覺得佢入行係為興趣,點知呢日佢留言話:「實不相瞞,屋企最近環境急轉直下,已經在蘊釀出售層所謂豪宅。」仲話:「我孝順,一定會同媽媽一齊度過難關」

據報道,佢口中「蘊釀出售層所謂豪宅」,應該就係一年前林作媽媽豪擲6500萬買畀佢同麥明詩新婚愛巢之用嘅麥當勞道3400呎複式豪宅。

林作接受傳媒訪問時話,呀媽有日佢同講:「阿仔,我哋今時唔同往日啦」佢話,詳細情況自己都唔係咁清楚,估計係生意出咗啲問題。

佢又重提簽約范振鋒一事:「都係呢個原因,想搵多啲錢,最好返內地,唔好話食蟲、剃毛都仲得呀。」

關注我們Facebook專頁
    相關新聞
      更多瀏覽