【齊人之福?】左擁右抱被指玩「 3P 」 副機長:傷及無辜椎心之痛
2017年06月16日11:27

早前苗柏襲港搞到本港橫風橫雨,市民非常狼狽,天文台仲掛起今年第一個八號風球,最近就有年輕 SO ( Second Officer 、二副機長)於網上分享喺八號風球下著陸後,左擁右抱嘅相同樣引起網上哄動!

話說呢位 SO 將八號風球下飛機著陸嘅經歷形容得繪聲繪影,又話啲閃電好似閃光彈咁,搞到佢睇唔到嘢,又話已經有晒心理準備面對最壞嘅情況,幸好最終都成功著陸。雖然呢位 SO 由頭到尾都冇話自己負責降落,不過一眾網民就似乎一於少理,個個都口諸筆伐,質疑一個 SO 冇可能可以控制飛機進行降落。

此外,呢位 SO 同時上傳佢「左擁右抱」嘅相,攬住兩位妙齡少女,並提到「有兩個可人兒接機」,更網民產生無限遐想,甚至有人搵到其他佢同女性朋友合照嘅私人相,懷疑佢一腳踏兩船,大玩「 3P 」。

不過呢位 SO 事後喺個人社交網站解釋,自己從來冇講過由自己控制飛機著陸,對於引人誤會感到抱歉,另外,佢又澄清相中嘅少女只係佢嘅女性朋友及家人,批評有人借題發揮,形容網民嘅言論只會傷及無辜,並令佢感到椎心之痛。與此同時,有自稱認識呢位 SO 嘅網民亦話,兩張相入面嘅女仔並唔係同一班人,質疑有人想抹黑。

關注我們Facebook專頁
    相關新聞
      更多瀏覽