【誰是誰非?】發現男友嫖妓兼寫「報告」 女友要求驗身點知......
2017年05月16日11:39

情侶之間相處,最重要係互相坦誠、信任,有咩意見都應該同對方分享,如果唔係嘅話問題只會越積越多,到最後一次過爆發嘅時候,要補救都太遲啦。

網上最近流傳一段情侶對話截圖,男友因為電腦入面網上討論區帳號未有登出,被女友無意中發現佢嫖妓兼網上分享「賽後報告」嘅事,於是質問男友,男友本來都冇打算承認,直至被對方踢爆講大話後,終於如實相告,並解釋每次想同女友行房時,對方總係諸多推搪,兩人已經有接近一年半再冇性行為,男友聲言自己係冇得揀之下先去嫖妓。

不過呢位女友一於少理,直接 send 咗個驗性病網址畀男友,講明要對方驗咗身先會考慮原諒對方,點知男友亦作出反擊, send 咗個做提供性治療服務嘅網站畀女友,叫對方醫返好啲「性冷感」。眼見搞到咁疆,相信大家都合到兩人最終都係分手收場‧故勿論誰是誰非,呢個故事都話畀我哋聽,情侶之間無論遇到咩事都好,都要好好同愛人溝通,搵出問題並將其解決,有啲嘢、有啲問題唔係你唔講就等於唔存在。

關注我們Facebook專頁
    相關新聞
      更多瀏覽