【填色天才?】三歲小朋友填色比賽奪獎 網民質疑家長背後請槍
2017年05月16日18:02

相信唔少人細個嘅時候都玩過填色遊戲,幫啲圖畫上顏色,最近就有個填色比賽公開結果,其中一幅出自三歲小朋友之手嘅亞軍作品備受網民注目!

呢一幅備受關注嘅作品由一位就讀緊幼稚園嘅三歲小朋友完成,只見佢用色相當準確,畫入面嘅「美國隊長」、「變形俠醫」同「 Ironman 」都相當突出,而且仲加上陰影位,令人物睇起上嚟更加立體,除此之外,呢位小朋友仲喺背景加入個人特色元素,效果仲相當好!

見到一幅咁靚嘅作品,唔少人都懷疑究竟係咪真係出自一位三歲小朋友嘅手筆,有網民就斷言一定係家長喺背影請槍,亦有人估計是次比賽喺「親子填色比賽」。

網民留言:

Tong YuKi:肯定家長出手

Eliza Chan:親子填色罷,3歲筆,絕不可能

Hon Hon:一定有請槍。

Ryan Tang:叫個3歲既高手出黎即場露兩手比小弟見識下,我咪信囉,如果唔係多數都係父母幫手,或親子填色比賽另計

關注我們Facebook專頁
    相關新聞
      更多瀏覽