【帽已綠?】懷疑女友當「 PTGF 」 港男發火狂罵女友
2017年04月24日11:06

話說最近有網上討論區流出咗一份疑似參與「 PTGF 」( 即「 part time girlfriend 」或援交 )活動嘅名單,涉及少女人數多達百名,導致人心惶惶,有男仔就喺名單上發現女友張相,懷疑對方背住自己進行援交,仲因此同女友大吵一場。

從網上流出嘅對話圖可見,呢位男友從其他朋友中得到一張女友疑似利用 instagram 同「客人」對話嘅截圖,隨即同對方對質,女友立即否認,話「你平時check我手機有見過呢個帳號( instagram )咩?」又解釋自己畀人偷咗相嚟用。

不過呢位男友就似乎對女友嘅解釋聽唔入耳,左一句「我春知你 依家淨係知你去左(咗)做雞」、右一句「X你個奶 我真係無諗過我條女會係做雞」,而女方就坦言對於男友嘅不信任感到失望,需要分開一下。見到咁樣,相信呢對情侶好大機會分手收場......

雖然未知呢位女友係咪真係有參與援交,不過其實喺搞清楚件事之前,兩個人都應該心平氣和咁傾,而唔係一味指責對方,硬碰硬最後只會招致兩敗俱傷。

關注我們Facebook專頁
    相關新聞
      更多瀏覽