【夠時間準備?】傳吳若希產後頂替鄭俊弘 7月紅館開騷
2017年04月21日07:00

話說早前鄭俊弘被爆出背未婚妻暗交何雁詩後,形象大插水,仲自把自為,呃完老細何哲圖幫佢解圍後,就走去機場同何雁詩手拖手公開戀情,最後被掟入雪櫃,連紅館7月個檔期都冇埋!

星期四有周刊指,由於鍾嘉欣長居加國、許廷鏗疑似想離巢底下,雖然吳若希要生B,不過佢預產期係4月尾,所以佢「順理成章」頂咗檔期嚟做。

其實吳若希舊年意外有咗之後,都係死口唔認,被人影到肚凸凸後,先話請假去男友Alex喺澳門嘅豪宅安胎,而佢早前講過,生完後就會復出,咁岩何哲圖唔知搵邊個去頂7月個檔期好,所以一搵吳若希,佢就好快應承,所以亦有指吳若希最近多咗喺社交網貼相,就係為咗keep住啲人氣!

關注我們Facebook專頁
    相關新聞
      更多瀏覽