【海豚音!】張靚穎唱《第五元素》 網民:是人類嗎?
2017年03月20日07:00

電影《第五元素》入面嘅插曲「The Diva Dance」,出晒名難唱,唔係個個歌手都處理到。不過當年憑《超級女聲》走紅嘅張靚穎,就成功挑戰呢首歌,唔少外國網友睇完後都非常驚嘆!

「The Diva Dance」呢首歌,難就難在佢嘅真假音轉換,同2秒內要完成3個8度嘅音階跨越,有時歌手唱唔到,就要用電腦合成。雖然唔少外國聲樂家都會表演呢首「神曲」,不過就較少見到亞洲歌手咁做!

去年張靚穎喺一場音樂會入面,就現場唱出呢首歌。最近條片喺網上廣傳,見到張靚穎將「海豚音」發揮得淋漓盡致,唔少網友睇完後都問:「她是人類嗎」、「看不出來可以發揮得這麼好」!

關注我們Facebook專頁
    相關新聞
      更多瀏覽