【撞車黨2.0】「爛鞋黨」出沒元朗 撞埋人到再屈賠償?
2017年03月20日11:59

繼祈福黨、撞車黨後,再有新興呃錢手法!最近有市民就係元朗遇到「爛鞋黨」,被一名操內地口音嘅女子指責踩爛對鞋要求賠償!

從影片背景可見,事發地點應該係元朗廣場附近,上傳影片嘅網民話當日喺餐廳食完早餐推門離開時,前面一個操內地口音嘅女人突然停步令兩人相撞,對方隨即拉住佢哋唔畀佢哋走,話對鞋比人踩爛咗,要求賠償。事主話嗰名女子對鞋係前面穿窿,而佢一直係對方身後,冇可能整到佢對鞋前面,形容對方「好明顯就係補藥黨啲朋友」。

雙方擾攘一大輪之後,最後報警等警察,事主話警察到場後都同佢哋講知道知道嗰女人係咩人嚟,最後以普通糾紛處理事件調停一下就完啦。

事主話事後有街坊透露,元朗附近成日有啲「爛鞋黨」呃人錢,提醒大家小心。

關注我們Facebook專頁
    相關新聞
      更多瀏覽